Қостанай облысы әкімдігі білім басқармасының «Жітіқара ауданы білім бөлімінің Станция негізгі орта мектебі» КММ
КГУ «Станционная основная средняя школа отдела образования Житикаринского района» Управления образования акимата Костанайской области

26-27 сәуірде бастауыш сынып оқушылары үшін "Қауіпсіздік әліппесі" бейнероликтерін көрсету ұйымдастырылды. Мақсаты: оқушылармен жол қозғалысы ережелерін қайталау, жолды дұрыс өту білігін бекіту, бағдаршам сигналдарын, жол белгілерін қайталау.

Сәуірдің 22-сі күні балалар жылына арналған «Біз Қазақстанның болашағымыз» атты мұғалімдер мен оқушылар арасында мектепшілік пікірсайыс турнирі өтті. Турнирдің мақсаты: қазақстандық патриотизмді қалыптастыру, елімізде байқалып жатқан өзекті жағдайларды талдау және қоғамдық талқылау арқылы шығармашылық және сыни тұрғыдан ойлау қабілетін дамыту.

22 сәуір күні мектепте 1 мамыр – Қазақстан халқының бірлігі мерекесін тойлауға арналған «Бірлік сабақтары» өтті. Мақсаты: өскелең ұрпақты патриоттық рухта, жоғары мәдени-адамгершілік құндылықтарға, Қазақстан тарихы мен мәдениетіне құрметпен қарауға тәрбиелеу.

Тоқу - қолөнердің ең көне және пайдалы түрлерінің бірі. Шығармашылықтың бұл түрінде бала өзінің қабілетін аша алады, өзінің көркемдік мүмкіндіктерін жүзеге асыра алады. Сәуірдің 28-і күні Балалар жылы аясында және «Мәдениет ана – Мәдениет ұлт» жобасын жүзеге асыру аясында бастауыш сынып оқушылары мен олардың ата-аналарына «Бақытты ана – бақытты балалар» атты тоқу шеберлік сабағы өтті. Мақсаты: балалар мен ата-аналардың тоқыма тоқуды үйренудегі шығармашылық белсенділігін дамыту, көркемдік талғамын қалыптастыру. Шеберлік сабағының соңында тоқыма тоқу үлгілері мен ұсыныстар таратылды.

2022 жылдың 22 сәуірінде «Бастауыш сыныптар апталығы» аясында 2-3 сынып оқушылары «Әдеби ассортимент» интеллектуалды ойынына қатысты.

Ойынның мақсаты: ойын, көрнекілік арқылы әдебиетке деген қызығушылықты, сүйіспеншілікті ояту; әдеби ой-өрістерін кеңейту; зейінін, сөйлеуін, есте сақтауын дамыту; топта жұмыс істеуге, бірлесіп шешім қабылдауға, жеке бастамашылыққа, өз пікірін айтуға үйрету.

Шара нәтижесінде ең көп оқитын топ анықталды. Барлық командалар мақтау қағаздарымен марапатталды.

21 сәуірде қаланы санитарлық тазалау айлығы аясында мектеп қызметкерлері сенбілікке шықты. Оның басты мақсаты мектеп аумағын абаттандыру болды.